佛教慈心素食 (已結業)

宜家好容易就聽到有素食自助餐，但就唔係間間都質素好。試過朋友口中話好正好正既素食自助，誰知道收費偏貴之餘、場內的菜仲一係就炸物、一係就係炒青菜、竟無新意心機可言。直至我搵到呢度先真正體驗到咩叫有人情味既食肆，我一入去見到地方細細好似無咩食咁有點失望。點知雖然選擇少，但每一道菜都精心泡製。我有幾樣野係超級欣賞：一係即製既新鮮餃子同鍋貼、見住樓面姐姐包包包、包完就會立即入廚房煮即住俾我地食。唔好以為餃子得一兩款，仲有好似小籠包咁既樣架!之後佢既湯同糖水都好了得，當晚有清保涼同四寶湯。我飲左四寶湯，有一陣清香既香菏味、感覺好足料。而糖水係蕃薯糖水，菫味就夠啦，但係好似甜左d!非常期待佢個雪耳糖水。佢既熱盤都好正，有一個係葡汁煮南瓜，味道非常香濃。之後佢地廚房炸完個紫菜餅，個姐姐親先走向每一個客人跟住夾俾佢，我feel到好溫馨呀。紫菜餅熱辣辣甜甜地，個texture唔錯。