佛教慈心素食 (已結業)

宜家好容易就听到有素食自助餐，但就唔系间间都质素好。试过朋友口中话好正好正既素食自助，谁知道收费偏贵之余、场内的菜仲一系就炸物、一系就系炒青菜、竟无新意心机可言。直至我揾到呢度先真正体验到咩叫有人情味既食肆，我一入去见到地方细细好似无咩食咁有点失望。点知虽然选择少，但每一道菜都精心泡制。我有几样野系超级欣赏：一系即制既新鲜饺子同锅贴、见住楼面姐姐包包包、包完就会立即入厨房煮即住俾我地食。唔好以为饺子得一两款，仲有好似小笼包咁既样架!之后佢既汤同糖水都好了得，当晚有清保凉同四宝汤。我饮左四宝汤，有一阵清香既香菏味、感觉好足料。而糖水系蕃薯糖水，菫味就够啦，但系好似甜左d!非常期待佢个雪耳糖水。佢既热盘都好正，有一个系葡汁煮南瓜，味道非常香浓。之后佢地厨房炸完个紫菜饼，个姐姐亲先走向每一个客人跟住夹俾佢，我feel到好温馨呀。紫菜饼热辣辣甜甜地，个texture唔错。