藏 (已結業)

今日中午口痕想食下日本嘢，呢一间位处铜锣湾市中心既日式料理几有惊喜。我试咗𠮶严选10件寿司+1件手卷 (Premium Sushi Platter)嘅lunch set，讲得严选其实已经有啲期望。寿司到之前，先有两款开胃前菜:烟肉沙律和茶碗蒸。沙律新鲜好味开胃，烟肉有味而不腻，为沙律点睛。至于寿司呢，最欣赏当日师傅喺你面前慢慢一款一款寿司整比你食，就哂你食速。等你食完一款先再整下一款，食得慢嘅朋友就唔怕食物一次过黎哂放得耐而影响食物质素。所以寿司饭恰到好处，不太热不太冻，亦显得出师傅细心位。每一款寿司都有心思惊喜位，例如虾寿司上面加上黑松露点缀，其香味令到鲜虾味更丰富。自己最钟意就系𫚕鱼寿司，口感一流，油脂比例满分！其实每一款寿司𠮶口感都好唔一样，但系同时又好丰富㖞！虽然呢间餐厅唔算便宜，但食得出食材系高质，喺香港少数可以有呢个价钱食到呢个质数。值得我下次再试。