影片
更多
2021-08-15
332 浏览
开始夜，唔知食咩好就随便拣咗呢间。同男友一人叫咗一份晚餐，再加一份蛋饼同两杯嘢饮。.男友叫咗沙茶厚豚干拌面，我就叫咗日式汉堡鲁肉饭。佢每份晚餐都包几碟前菜、主菜、时菜同水果，最钟意呢类型嘅set，乜都有得食😂。上枱时觉得卖相一般，好似求其执啲嘢堆埋一齐咁，但食落又感受到佢好多食物都放咗小心思。 前菜想特别点评渍苦瓜，平时我唔食苦瓜（仲后生，未识欣赏🤓），但佢腌到甜甜酸酸，中和咗苦味，完全唔难入口；另外仲有芥末秋葵，wasabi味轻轻手，唔会攻鼻，同秋葵又出奇地夹。 跟住到主菜，沙茶酱浓味带辣，面条略有咬口，夹埋啲蔬菜丝就冇咁腻。猪扒香口，最紧要唔干唔柴；另外汉堡扒有肉汁，同埋估唔到佢喺入面加洋葱粒，有少少咬口同洋葱嘅香甜味。鲁肉饭用珍珠米，好有诚意！鲁肉亦好食，唔咸唔油腻，系份量唔太够捞晒成碗饭。蛋亦有惊喜，溏心做得啱啱好，蛋有蛋味（你估咁易？），亦有加调味煮/浸过，唔会淡茂茂，不过切到一忽忽，唔够靓。 时菜就拣咗一份烫，一份卤肉，以为会系一样嘅菜，纯粹加唔加肉，但原来一个用油麦菜，一个用椰菜花加西兰花，又系一个惊喜位，唯一挑剔就系双花冇滰干水。 最后生果，哈密瓜又甜又有汁👍🏻苹果用盐
.
男友叫咗沙茶厚豚干拌面，我就叫咗日式汉堡鲁肉饭。佢每份晚餐都包几碟前菜、主菜、时菜同水果，最钟意呢类型嘅set，乜都有得食😂。上枱时觉得卖相一般，好似求其执啲嘢堆埋一齐咁，但食落又感受到佢好多食物都放咗小心思。
前菜想特别点评渍苦瓜，平时我唔食苦瓜（仲后生，未识欣赏🤓），但佢腌到甜甜酸酸，中和咗苦味，完全唔难入口；另外仲有芥末秋葵，wasabi味轻轻手，唔会攻鼻，同秋葵又出奇地夹。
跟住到主菜，沙茶酱浓味带辣，面条略有咬口，夹埋啲蔬菜丝就冇咁腻。猪扒香口，最紧要唔干唔柴；另外汉堡扒有肉汁，同埋估唔到佢喺入面加洋葱粒，有少少咬口同洋葱嘅香甜味。鲁肉饭用珍珠米，好有诚意！鲁肉亦好食，唔咸唔油腻，系份量唔太够捞晒成碗饭。蛋亦有惊喜，溏心做得啱啱好，蛋有蛋味（你估咁易？），亦有加调味煮/浸过，唔会淡茂茂，不过切到一忽忽，唔够靓。
时菜就拣咗一份烫，一份卤肉，以为会系一样嘅菜，纯粹加唔加肉，但原来一个用油麦菜，一个用椰菜花加西兰花，又系一个惊喜位，唯一挑剔就系双花冇滰干水。
最后生果，哈密瓜又甜又有汁👍🏻苹果用盐水浸过令佢唔生锈，爽口，可惜酸。
沙茶厚豚干拌面
$87
15 浏览
0 赞好
0 留言
日式汉堡鲁肉饭
$83
7 浏览
0 赞好
0 留言
.
另加嘅起司肉松蛋饼系用饼皮包住蛋皮再包住馅，虽然好似唔系最正宗嘅做法，但我觉得都好食嘅，口感松软，馅料肉松同起司就天生都好食架啦🤣
起司肉松蛋饼
10 浏览
0 赞好
0 留言
.
饮品够大杯，外表又靓，不过味道就有少少扣分位。左边𠮶杯桂花甘香柚子铁观音，完全系一杯柚子汁，饮唔到一丁点茶味。特选水果玫瑰花就唔错，唔太甜，果味同茶味平衡，清新👍🏻
（左）桂花甘香柚子铁观音 （右）特选水果玫瑰花
2 浏览
1 赞好
0 留言
.
埋单250蚊，以今时今日嘅物价真系算系咁。总括嚟讲呢餐好满足，够饱又好味😋我嘅挑剔系presentation真系比较hea，第一印象失咗啲信心，好在味道赢返晒。既然喺食物上花咗咁多小心思，不妨尽善尽美一啲，执执卖相同摆盘，咁就更perfect池喇～
张贴
