鯛魚魚湯專門店 (已結業)

今日专程入鲗鱼涌食依间餐厅，因为见到佢用鲷鱼汤作汤饭,都几有特色,而且价钱都唔太贵。座位我地㨂左类似拉面枱嘅位,坐得自在一啲。㨂左原只波士顿龙虾汤饭同蕃薯蚬 虾鱼汤饭,仲追加左带子,生蚝同象拔贝。龙虾好大只,仲好多膏,有鲜味同海水味,咁嘅价钱绝对系值,店员仲好贴心比左夹我地整啲肉出黎食,同提我地可以将龙虾夹出黎食,以免煮得太老。个汤即好重鲷鱼味,系无味精嘅感觉,仲有好多款配菜,例如木耳丝,豆腐干,娃娃菜等,好健康,口感亦好丰富,好高质。另一碗都好出色,有两只大虾同好多只蚬,两者都好新鲜,非常出色,依碗汤更系比上一碗多左一层鲜味,应该系黎自蚬嘅汁。再值得一题系两碗都用左珍珠米去煮,绝唔省米。追加嘅象拔贝有三只,带子就好只,唔会鞋烚烚,都唔错。蚝就得一只,但系好鲜味,唔腥,好满足。另外追加嘅海鲜都会配左一啲娃娃菜,食哂一定饱饱又健康。依一间真系值得再试,价钱仲咁平,鲗鱼涌嘅街坊真系有口福。