一意點心燉湯專門店

营业中

休息中

一直都无缘帮衬葵兴店，次次都因为不同原因食唔到。前排搭巴士经过青山公路，见到荃锦中心地舖（马会旁）有间「一意炖汤」，即刻上openrice睇睇系咪同葵兴同一间，原来真系。坐底无耐，会奉上一呈红枣圆肉杞子，淡淡的甜，$5位茶，抵比。炖汤有二十款，本来想要炖老鸭，但偏偏就冇呢款（仲有另一款都冇，但唔记得系咩了），残念。唯有改要川芎天麻白芷红枣炖鱼头（$72）。数分钟后上枱。试啖先，咦~~~点解唔热嘅，只可算系微温，真心有啲失望；食啖鱼头，哗~~~冻嘅（应该系话冰先啱），即刻同店员讲，疑似老板娘即刻say sorry，话应该系店员拎错咗，同提出换过一盅新嘅。再十数分钟后，老板娘拎番盅新嘅、热辣辣嘅炖汤上枱，然后问之前𠮶盅已经炖番热，问我哋饮唔饮（唔饮都系倒咗佢），咁当然唔好浪费，要埋佢啦，结果免费多咗一盅（呢啲咪识做啰，佢唔俾番旧𠮶盅你系正常，但依家佢送埋俾你，即刻成个感觉良好好多）。讲番盅炖汤，正常炖汤size份量；揭开盖，药材味即时涌出嚟；汤水好满，冇呃秤，够清，丁丁好少油；足料够哂味道；鱼头有云有肉食。整体不错。凤爪排骨砂锅饭（$45）饭底软熟唔会湿淋淋，凤爪正常味道，排骨肉质有咬口，