馬華餐廳 (已結業)

佐敦呢区有好多老字号既食店，平时肥柑子都会去试不同既老店，希望揾到一间可以长期帮衬既，今次帮衬呢间马华餐厅。果日入到去比较肚饿，就叫左份茶餐，西多配司华力肠，餐到时发觉几有惊喜。虽然卖相唔好，但睇到佢地炸块西多系刚刚炸到浅金黄色就收手，有心机留意块西多炸到刚好就上碟，咬入口皮脆内嫩，大大块好填肚。而条肠先系一绝呀，好有心机去切开，再放入油锅去炸，炸到脆脆地上碟，平时系出面食炸司华力肠，切几刀既情况几常见，但切十几廿刀先啰去炸，将条肠炸到变海参咁，就真系绝无仅有。亦因为切得好，炸一阵上碟时，表面系脆既而入面就好热，层皮唔㶶之余，仲脆脆地，一啖咬落去，咬到热辣辣既肉到，感觉真系有少少似食海参。平平凡凡食一个茶餐，最后味道同功夫上都畀到惊喜我，真系值得再黎试过。