影片
更多
2007-01-08
星期六𠮶晚同老公两个九点几至开始揾食，一路由天后电器道行到落去和富道都唔知食mum好，谂住去新和富点知十点都仍然系坐无虚席，唯有再行过隔离仁宝．咁啱有一枱客走，拿拿声坐低．一坐低阿姐已经问饮咩茶，行动迅速．我老公本来话想食蟹，但系一来时价唔知收几钱，二来第一次食唔知靠唔靠得住，于是就点咗D普通嘢先试咗先．两个人点咗3个𩠌：辣酒煮大蚬－初初谂住48蚊份量唔会多得去边，点知上枱时比佢吓咗一跳，一大煲满满ge大蚬（虽然后尾至知原来煲底垫咗大量葱同蒜）但起码都有15,16只．好新鲜鲜甜，只系偶尔1,2只有沙．个汤底越食越辣，但越饮越过瘾，同埋好鲜甜，原来佢哋加咗大量虾干同菜甫喺过汤里面，唔怪得知．士多啤梨骨－卖相非常吸引，7大旧鲜红欲滴ge排骨放喺一块炸过ge锦卤云吞皮上面，D排骨做得好嫩，入后即化，但就真系食唔到有咩士多啤梨味，味道似京都骨多D，此为败笔，同埋食两旧已经几漏，要人多至好嗌．鱼汤鲜贝浸娃娃菜－鲜贝即系江瑶柱，又系大大碟，无论江瑶柱定系娃娃菜，都非常足料，汤又系好浓鱼鲜味．卒之饱到食剩半碟娃娃菜要打包走．睇到差唔多枱枱都叫笼仔蒸饭同蒸扇贝（好大只，25蚊只），下次必定要嗌多几个人
一坐低阿姐已经问饮咩茶，行动迅速．我老公本来话想食蟹，但系一来时价唔知收几钱，二来第一次食唔知靠唔靠得住，于是就点咗D普通嘢先试咗先．
两个人点咗3个𩠌：
辣酒煮大蚬－
初初谂住48蚊份量唔会多得去边，点知上枱时比佢吓咗一跳，一大煲满满ge大蚬（虽然后尾至知原来煲底垫咗大量葱同蒜）但起码都有15,16只．好新鲜鲜甜，只系偶尔1,2只有沙．个汤底越食越辣，但越饮越过瘾，同埋好鲜甜，原来佢哋加咗大量虾干同菜甫喺过汤里面，唔怪得知．
士多啤梨骨－
卖相非常吸引，7大旧鲜红欲滴ge排骨放喺一块炸过ge锦卤云吞皮上面，D排骨做得好嫩，入后即化，但就真系食唔到有咩士多啤梨味，味道似京都骨多D，此为败笔，同埋食两旧已经几漏，要人多至好嗌．
鱼汤鲜贝浸娃娃菜－
鲜贝即系江瑶柱，又系大大碟，无论江瑶柱定系娃娃菜，都非常足料，汤又系好浓鱼鲜味．
卒之饱到食剩半碟娃娃菜要打包走．
睇到差唔多枱枱都叫笼仔蒸饭同蒸扇贝（好大只，25蚊只），下次必定要嗌多几个人嚟试吓．
张贴