鶴亀 (已結業)

海老帆立贝沾面😋由于拉面店地方唔大，所以厨房煎海老时候我坐喺度都闻到好香嘅海老味道，当沾面上枱时觉得卖相都唔错，配料有海老，帆立贝，叉烧，玉子同荀干昆布，面质ok带少烟韧，汤头加左樱花虾所以更加香浓咸度亦适中，海老同帆立贝加左少少香料煎得几香，比较逊色嘅系叉烧比较干身，但我觉得要赞嘅反而系小店原来系由一家港人经营，妈咪做楼面招呼同帮客人落单，个仔就做厨房，喺佢哋言谈间我睇到佢哋好有心想做好每碗拉面送到每位客人面前，其实我个人系不太喜欢港人经营嘅拉面店，但呢间例外，系一间值得支持嘅港人经营拉面小店。