Gladys' Estate Coffee (已結業)

平时钟意自己周围揾食，今日咁啱休息陪老公去身体检查，就睇吓附近有咩地方可以静静地食Lunch饮杯咖啡，就系咁遇上呢间Cafe，疫情期间一张枱只坐两位食客，地方虽然细细地，但感觉好日本feel😛，由于室内已满，只剩室外位置，我哋都觉得无问题就坐低先，睇完Menu就order，我地点左两个Set，食物方面，绝对系用心制作，老公对食物同饮品无要求，所以无评论，但我对Cafe嘅Chai Latte简直著了迷😍，茶味好香。另外，我order嘅All day breakfast ，个蛋好滑之外绝对唔油，起码唔会好似某啲地方食嘅碟底劲多油，沙律菜底劲多水咁，所以如题Cafe除咗咖啡之外，对食物上枱非常用心，最后，老板见我地正餐食完之后，就问我有冇兴趣试吓佢哋嘅Soufflé ，佢话平时只有星期一先有供应，佢咁讲我一定试啦😆。总括而言，Cafe无论咖啡，食物，环境同服务态度，已经入选我常规Cafe之一😊。每份Set嘅价钱大概$120-190🙂