榮華南洋冰室

营业中

休息中

午饭时间全场爆满，不过等咗一阵好快就有两个位，服务员态度有善，可惜海南鸡饭售罄，叫咗两个冬阴功金边粉，一个跟鸡髀扒，令一个跟猪颈肉，再追加咖喱鱼蛋。鸡扒好够黄姜味，猪颈肉腌料都好浓味，冬阴功汤底就太重青柠味，盖过晒其他香料嘅味道，除咗金边粉仲配左生菜芽菜和豆卜，如果有埋芫荽葱同九层塔就更加好啦，唔用碗用手柄嘅煲，几有创意。咖喱鱼蛋配上多士，非常特别，个咖喱汁好好味，鱼蛋嘅质素都唔错，但系可能用微波炉翻叮过龙，一入口嘅时候俾佢烫亲，杯柑橘蜜都好好饮，唔会太甜，柑橘味浓，清爽凉快。下次会再去试吓其他嘢。