Salamat Cafe (已結業)

今日去元朗食饭，见平时都去YOHO，今次就试下其他地方，本来想食平时食开的西餐，但今次就试间未食过的试试。我地入去叫左个二人餐蚝汤都几特别，平时饮的都系菜汤、龙虾汤等，真系好少饮到，而且佢仲有一只在上面炸蚝。味道都几浓，好饮，而个面包系厚多士，几少见。冬阴公汤煮花甲唔系好辣的，所以我都可以接受，酸酸辣辣咁，花甲都算大只，但如果量多少少会更正，因为我太钟意食蚬同花甲。黑松露+菇+意大利饭一开始拎黎的时候我仲以为系沙津菜果类添，但食落又几香，我个人特别钟意黑松露的味，而且配上意大利饭特别衬😆。上面系炸左的金菇，再加上其他唔同的配料，口感不俗。猪鞍扒配黑松露薯条+苹果厚厚的猪扒，同平时食开的口感唔同，煎香咗外层，但内𥚃唔会好干，面头有些脆的粒粒，口感几特别（虽然我唔知系咩）。我个人都几钟意食苹果，佢好似系有焦糖加上苹果系冻冻地，好好味。至于黑松露薯条，我觉得无想像中咁特别，黑松露的味唔够突出。整体而言，餐厅都好有心思，每碟都有唔同的点缀，而且店员都好体贴，我下次一定会再试下其他菜式。