我愛慢煮 (孖沙街) (已結業)

有情调嘅慢煮餐厅♥️虽然餐厅位于上环嘅街角，但无阻佢嘅人气，假日六点半去都座无虚席。 以慢煮来讲，价钱唔算贵，环境昏暗，有情调，装修几有工业风格，枱与枱之间有足够嘅空间，坐得舒服。 🐽秘制保湿猪鞍架$138厚身得嚟唔会嚡口，满满肉汁， 调味以盐、香草为主，唔会太重口味。 另外加煎鹅肝片 $38比较薄身，但系充满油香，入口亦有少少融化感觉。🦞芝士焗波士顿龙虾（$88/ 半只 $178/1 只）大小适中，龙虾虾肉紥实，只带少许咬口，芝士同酱汁较少，适合钟意淡口味嘅朋友。🌹玫瑰洛神花特饮（$42）唔似一般洛神花较酸，整体比较甜。而水果茶（$42）比较似苺类加柠檬茶。