影片
更多
2021-10-25
43 浏览
今晚同男朋友打算揾个有情调嘅地方拍下拖，之前朋友介绍呢间餐厅嘅室外位置几唔错，而且最近天气凉凉地坐出面都应该会几舒服，所以就嚟咗呢度啦。一出lift门口已经好暗，揾咗一阵个门口先入到去，果然够晒情调🤣🤣 大家上到去转右直行就会揾到入口。好难得有餐厅会有秋千位，我就梗系要坐下啦，餐厅嘅楼层都唔矮，所以居高临下既景观好正。嚟到呢啲地方必然要叫杯Cocktail 㗎啦，我叫咗杯the firmament卖相唔错，但系钟意饮甜Cocktail嘅我就觉得唔够甜啦，如果多少少果汁嘅味道就好啦。前菜叫咗纪之川海胆吐司，海胆配吐司一啖可以食晒，一啖就可以食到丰富嘅口感，吐司几松软，海胆够新鲜唔会有腥味。另一份小食叫咗韩式炸鸡配辣酱及蛋黄酱，炸鸡件份量唔少，食落几香口，仲可以配埋泡菜同唔同酱汁食。主菜叫咗香烤M5澳洲和牛（300g)，我本人就唔系咁钟意食牛嘅因为成日觉得好难咬，但男朋友中意食所以就试吓佢啦。好彩呢度嘅M5澳洲和牛有水准，食得出系和牛嘅质素，有牛味之余亦都好容易咬，够juicy多汁，唔使点酱都已经好食。另一份主菜叫咗特浓芝士意式火腿忌廉蚬壳粉，唔多餐厅有得食蚬壳粉，所以我觉得都好特别，蚬壳
一出lift门口已经好暗，揾咗一阵个门口先入到去，果然够晒情调🤣🤣 大家上到去转右直行就会揾到入口。
好难得有餐厅会有秋千位，我就梗系要坐下啦，餐厅嘅楼层都唔矮，所以居高临下既景观好正。
嚟到呢啲地方必然要叫杯Cocktail 㗎啦，我叫咗杯the firmament
卖相唔错，但系钟意饮甜Cocktail嘅我就觉得唔够甜啦，如果多少少果汁嘅味道就好啦。
前菜叫咗纪之川海胆吐司，海胆配吐司一啖可以食晒，一啖就可以食到丰富嘅口感，吐司几松软，海胆够新鲜唔会有腥味。
另一份小食叫咗韩式炸鸡配辣酱及蛋黄酱，炸鸡件份量唔少，食落几香口，仲可以配埋泡菜同唔同酱汁食。
主菜叫咗香烤M5澳洲和牛（300g)，我本人就唔系咁钟意食牛嘅因为成日觉得好难咬，但男朋友中意食所以就试吓佢啦。好彩呢度嘅M5澳洲和牛有水准，食得出系和牛嘅质素，有牛味之余亦都好容易咬，够juicy多汁，唔使点酱都已经好食。
另一份主菜叫咗特浓芝士意式火腿忌廉蚬壳粉
，唔多餐厅有得食蚬壳粉，所以我觉得都好特别，蚬壳粉嘅形状令到佢好挂汁，食到好creamy，虽然份量唔算好多但系都足够饱肚嘅。
呢度真系好适合情侣拍拖，望住呢一个景观无论食啲咩都会觉得更加好味，推荐情侣过嚟一定要坐户外，真系好chill。
张贴
