Frank’s Italian American (雲咸街)

营业中

休息中

呢间餐厅系正大馆入口对面，楼高三层，平时行过都见到好多外国人系地下果层饮酒。今日收工约咗朋友嚟呢间餐厅食饭，记得要提前book位，因为佢堂食唔算好多枱。一入到去，服务生已经好热情咁招待，好快就带咗我地上一楼。我地被安排到近bar area，我地一坐低就叫咗一杯啤酒同cocktail，跟住佢就上咗bread。佢既bread 系炸既小面包，连埋蕃茄酱+芝士同roasted pumpkin，系免费既，但系好好食！餐前小食都劲有诚意！之后我地叫咗一个pasta -Farfalle Siciliana，系有意式香肠既蝴蝶粉，好好食！调味刚刚好！好惊喜！另外都叫咗个steak，份量就细咗少少，味道唔算太惊喜。总结黎讲，佢唔算超贵，不过份量就唔算大，建议多几个人一齐嚟，食多几样𩠌一齐share～要留意既系，一楼dining area系无Happy Hour，服务生话地下果层先有。