L'AMOUR

嚟到兰桂坊附近食lunch，餐厅装修以红色为主调，几有气氛，透明钢琴加红色玫瑰系呢间餐厅好signature嘅打卡位~拣咗3个course嘅午餐，一咸一甜嘅面包，软熟微热，配上自家制黑松露牛油~ 餐汤拣咗龙虾汤同甘笋汤，两者都几creamy，浓稠度刚好~ 🔘焦糖法国鹅肝挞一入口先食到味道甜甜嘅焦糖薄脆，蛋挞有蛋香滑嫩，鹅肝嘅味道唔算太强烈但会慢慢地渗出嚟~ 🔘蓝鲸吞拿鱼他他吞拿鱼肉质细致，带有微微油脂感~🔘纽西兰法式羊仔架经过熟成嘅羊架粉嫩多汁，风味浓郁，充满羊肉香气，钟意佢带少少肥膏，配搭南瓜泥~🔘法式低温慢煮东星石斑低温慢煮保持鱼肉鲜嫩，鱼皮煎至香口薄脆，配搭紫薯泥，两个主菜味道都唔错~ 最后叫咗一杯White Sangria，易入口唔会醉，吧枱位其实好靓，啱晒打卡~