Green Orange

今次黎左呢间系中环既楼上舖，同女友庆祝我地既anniversary, book既时候睇open rice见佢D相同卖相都唔错，所以一试，去到都无令人失望，首先系个装修都颇有情调，淡黄色既灯光，cozy既环境，加上咁岩个日落雨，我地坐系窗边，好似去左英伦咁既感觉。只系当日人比较多，嘈左少少但都仲可接受。食物方面，可能系因为楼上舖关系，价钱系中环黎讲一D都唔算贵。因为时间早唔算肚饿，我地叫左唔多野，一个沙律、一个汤同一个risotto。沙律方面好有惊喜，我地叫左个烧带子柚子沙律。带子一开二烧到岩岩好，配上清新既新鲜柚子，同少少醋，好Refresh好开胃。汤方面我地叫左个黑松露杂菌忌廉汤，忌廉打到岩岩好，好Creamy得黎又不失黑松露既香味，差D想叫多个！因为我地两个都好钟意黑松露，所以risotto叫左个香煎鹅肝黑松露杂菌意大利饭，我欣赏佢既鹅肝煎得够香，虽然我唔识分究竟佢系鸭定鹅，但果浸油香依家都仲记忆犹新，配上杂菌忌廉汁中和番，实在系岩岩好。总结黎讲我好对呢间餐厅十分满意，高度推荐!!!