Forever 友緣西餐 (已結業)

系元朗要揾一间有情调的西餐，真系十只手指内数得晒。今次朋友升职要请食饭，所以带我去到 Forever 友缘西餐食晚饭。餐厅就系千色广场附近，行完商场就去食嘢，位置十分方便。餐厅环境有情调，采用高级吊灯，灯光光线柔和，配上古典的音乐，加添几分浪漫气氛，可惜对面的人不是男朋友。Menu主打西餐，有二人套餐、也可散叫前菜、主菜、手作面等，应有尽有。我们点了两个主菜，一个汤，和一个小食。黑松露野菌忌廉汤 $58个汤好creamy，浓浓的黑松露味配上野菌茸，令整体增加口感，用蒜香多士点嚟食真系一流。芝士蟹肉焗大啡茹 $68呢个前菜睇落好细份，但系足够两个人作开胃前菜。芝士蟹肉呢个配撘几好，芝士唔会遮盖蟹肉既鲜味，值得一赞。烤虎虾龙虾汁面 $168整体最突出是它的龙虾汁，龙虾酱汁呈橙色带点鲜甜味道，用来捞意粉食一流。虎虾肉好弹牙带点结实，而且鲜味十足。慢煮U.S.A牛肋骨 $228之前食过好多慢煮既菜式，我就觉得呢个慢煮牛肋骨无乜特别之处，不过不失。牛肋骨唔会韧，用慢煮方式烹调令肉质嫩滑！不过份量就比较少，唔系几抵食。总括嚟讲，呢间西餐厅既食物质素不错而且服务员的态度又不错，下次一于同男朋友嚟。