牧羊少年咖啡館 (香港單車館)

营业中

休息中

牧羊少年翻新后第一次嚟食，水准一样高，环境好舒服。仲可以升级做套餐，有埋前菜同甜品。我叫咗个法式油封鸭腿伴牛油红酒汁伴薯蓉，鸭肉煮得好好，鸭肉好嫰，而且好入味。而薯蓉更加值得赞赏，薯蓉磨得好细，好幼滑，而且入面加咗唔同嘅材料同调味，配埋鸭腿食好好味。另外亦都叫咗个咖啡羊架，羊架嘅肉质好有口感，而且表面加咗脆粒，口感好丰富。而且羊肉味浓得嚟唔膻，配埋酱汁食味道好好。呢个前菜系是拉差酱鸡翼，鸡翼炸得好香脆，唔系用一般炸粉或者就咁炸，而系落咗脆片去炸，所以口感比一般嘅炸鸡翼更加丰富。而且呢个炸法，将鸡翼嘅肉汁锁实晒，一啖咬落去，啲肉汁爆晒出嚟，喺咁冻嘅天气食好正。鱼汤轻炒西兰花好新鲜，而鱼汤嘅味道亦都好鲜甜，加埋一齐好好食。不过鱼汤份量就比较多，西兰花浸耐咗可能会腍少少，如果要食就要尽快食。为咗应节叫咗呢个香蕉百香果慕斯圣诞钟，甜品嘅外貌好靓，而且味道都唔错，入面嘅味道好丰富，甜同酸嘅味道平衡得好好。温煮桂花黑糖茶嘅桂花味好重，好清香，而且虽然有黑糖味，但唔会太甜。竹炭牛奶芝麻味都几浓，配埋热鲜奶好暖胃。