醉胡爐 (已搬遷) 新店位置

呢间餐厅装修几令，楼底高，感觉好有格调。野食种类都好多，有日式刺身同串烧，亦有多款西式食品。我地点左几款串烧，生蚝，海胆意大利饭，吞拿鱼沙律配温泉蛋同2个甜品～呢度出野食既速度比较慢，先黎法国既gillardeau，wa, 第一次食咁大只gillardeau，生蚝海水味浓，鲜甜，唔错。而串烧方面点左A5和牛，牛舌，白鳝同鹅肝，鹅肝好大件，而且好有油香，质感creamy, 好邪恶。而牛舌都好爽口，不过A5和牛就过熟了，白鳝亦淡左d, 配汁会好d~吞拿鱼沙律配温泉蛋好大份，沙律菜爽口新鲜，个汁酸酸地几开胃。呢个海胆意大利饭等左足足1个中不过见到成板海胆就开心哂！海胆鲜甜，唔舍得捞入d饭度XD 但意大利饭本身偏淡，要捞d海胆先好味~ 最后甜品都有surprise, 水信玄饼好令呀！晶莹剔透，入面有一朵食用花，水信玄饼质感水汪汪，好弹，加左黑糖同黄豆粉好好味！另外白桃雪葩就不过不失，配士多啤梨酱有点怪。