Cocina 3 Tapas Restaurant & Bar (已結業)

入到去环境几舒适，座位几阔落有格调，都啱一大班朋友食饭开枝酒。2人套餐比较抵食，但咁啱都冇想食嘅野就单叫。一坐低就会有啲小食，有粟米片同面包，粟米片可以任添，系重口味之选，送啤酒一流！🔶西班牙猪豚猪鞍扒 $288★★★★☆块猪鞍扒都几大块，切落都几多汁水，食落有猪味，略兼熟左少少，但都唔会超级干身，个猪配埋烤蒜头一流，即刻马上升华。佢仲会有啲配菜，超钟意佢个黑松露薯蓉，本身以为系普通薯蓉，仲可以加啲落个粟米片到一齐食！🔶烤法国春鸡 $228 ★★★★☆虽然春鸡但都唔会太细只，仲要几多肉下，两个人食啱啱好，好彩冇叫其他饭、面，唔系真系会太过济。只春鸡烤得刚刚好，外皮仲系好香脆，但入面好嫩滑多汁，即使鸡胸位置都一啲唔鞋同茶，完全有惊喜！鸡肉咸味刚好，唔点酱汁单食都可以。🌟总括：虽然价钱唔算便，但叫嘅呢两样主菜都有咁上下份量，味道中上，整体都几好。