February

营业中

休息中

呢间餐厅嘅情调唔错～暗暗地嘅灯光有酒吧嘅感觉，但系食物都非常有质素，尤其系signature 嘅烧猪手，见到图片伴碟已经签上 February 嘅签名就知系镇店皇牌😋猪手大大只，淋上酒精再点火令外皮更加香脆，而呢种整法亦能保住内里嘅肉质鲜嫩同埋锁住肉汁，外脆内Juicy！火候刚刚好令肉地都好弹牙有口感，猪手本身都好有猪肉香味，整道菜都非常高质素，大大只又唔贵食到饱🤩另外蟹蟹蟹意粉都值得一提，由蟹子、蟹肉同蟹酱组成，伴住意粉，份外好食！意粉本身有啲蒜香，香口得来意粉唔会浸得太林，好食到停唔到口！最后炸薯条都炸得好香脆，好有薯味又唔干。餐厅位处嘅商场有停车场，可以揸车前往交通方便，侍应服务态度都好好，又有礼貌反应又快，值得推介！