影片
更多
2019-09-16
71 浏览
虽然餐厅嘅位置比较偏远地铁站，要在转乘轻铁才能到达，但系餐厅嘅环境好宁静，适合朋友或者情侣约会。首先，喺点菜之前，待应会俾一碟前菜凉拌青瓜，好有泰国嘅风味，酸酸甜甜咁，几开胃！因为同行嘅朋友系一名泰国控，所以今次点嘅菜式都系比较大众化嘅泰国菜！因为食嘅食物会系好辣嘅关系，我又唔系好食得辣，所以就叫左一个椰青，饮落去好鲜甜，最后我仲食咗啲肉，都几嫩口！第一碟必嗌嘅就系无骨酸辣凤爪唔好睇佢细细碟咁，份量对于两位女仔来讲都够，最好嘅就系佢啲凤爪好软熟，真系做到无骨𠮶种效果，而且每只凤爪都几大只，所以呢碟𩠌冇令到我哋两个失望！最重要嘅就系佢嘅味道叫做太辣，喜欢食辣嘅朋友可能就觉得唔够喉，但对于我来讲叫做点到即止！之后就有呢条仓鱼，就咁食啲鱼肉，酸酸甜甜咁，我同朋友食落去都觉得怪怪地跟住侍应走埋嚟话系要将啲鱼肉夹住啲菜食，哇！个味觉感受真系去咗另一个层次！食极唔停，而且好入味！真系冇谂过酸酸甜甜嘅鱼肉夹埋新鲜嘅菜有呢种效果！讲真，仓鱼嘅肉质唔算滑，食落去真系冇乜鲜味，但系酱汁搭救！所以我系极力推荐大家食呢个菜式最后又点少得马拉盏芥兰！其实都系正常发挥，食菜嘅朋友都可以叫一叫！顺带一提，唔知系咪因
首先，喺点菜之前，待应会俾一碟前菜凉拌青瓜，好有泰国嘅风味，酸酸甜甜咁，几开胃！
因为同行嘅朋友系一名泰国控，所以今次点嘅菜式都系比较大众化嘅泰国菜！
因为食嘅食物会系好辣嘅关系，我又唔系好食得辣，所以就叫左一个椰青，饮落去好鲜甜，最后我仲食咗啲肉，都几嫩口！
第一碟必嗌嘅就系无骨酸辣凤爪唔好睇佢细细碟咁，份量对于两位女仔来讲都够，最好嘅就系佢啲凤爪好软熟，真系做到无骨𠮶种效果，而且每只凤爪都几大只，所以呢碟𩠌冇令到我哋两个失望！最重要嘅就系佢嘅味道叫做太辣，喜欢食辣嘅朋友可能就觉得唔够喉，但对于我来讲叫做点到即止！
之后就有呢条仓鱼，就咁食啲鱼肉，酸酸甜甜咁，我同朋友食落去都觉得怪怪地跟住侍应走埋嚟话系要将啲鱼肉夹住啲菜食，哇！个味觉感受真系去咗另一个层次！食极唔停，而且好入味！真系冇谂过酸酸甜甜嘅鱼肉夹埋新鲜嘅菜有呢种效果！
讲真，仓鱼嘅肉质唔算滑，食落去真系冇乜鲜味，但系酱汁搭救！所以我系极力推荐大家食呢个菜式
最后又点少得马拉盏芥兰！其实都系正常发挥，食菜嘅朋友都可以叫一叫！顺带一提，唔知系咪因为前边嘅菜式影响咗，我食落去都系觉得辣辣地
最后又点少得海鲜冬阴公，呢个汤真系非常之出色！出色嘅系料够！所有海鲜都有两份，朋友话呢个汤同喺泰国食嘅系一模一样！我谂最主要系因为佢嘅酸辣味够balance，而且系落足香茅，所以一定唔系汤包！
总括而言，呢间餐厅嘅价钱系对得住佢嘅质素，加上环境清静，再夜啲仲可以叫埋酒，服务态度又积极，唯一就系如果唔食得辣，最好点菜嘅时候同一同侍应讲声！
张贴
