WM Café & Bar (雅濤居購物商場)

营业中

休息中

又系出外觅食嘅时候，呢间WM系一间气氛浪漫嘅西餐厅，今日被安排坐卡位，地方宽阔，晚餐选择有10个，由$68至$128不等。点餐后就送上餐包和餐汤，餐包配牛油不过不失，龙虾汤相当浓味。另外我加$8叫咗个厨师沙律，除咗沙律菜仲有两块烟三文鱼同埋好多芝士粉，本身已加咗沙律醋，味道酸酸地几开胃清新。主菜来了，先食个「龙虾汁海虾蟹肉意粉」（ $82 ），他有几只，唔算好大啫，爽口，蟹肉一堆，加埋啲红椒青椒、菇和蟹籽等，味道都几好。「威灵顿牛柳」（ $128 ）新鲜焗好送上，面包外皮啡啡的，里面索晒牛肉汁，牛肉都几腍，keep到 Juicy嘅感觉，肉质几好，仲有好多薯菜伴碟添！餐饮方面可以加钱转特饮，我哋要咗一个朱古力咖啡，味道好浓甜度啱啱好，相当好味。另外一杯Pussy Foot，粉红色卖相都几靓，味道有啲似杂果宾治，唔会太甜！其实晚餐仲可以加甜品，不过今次无加，见佢个甜品柜都有几款选择，下次有机会再试。