1908bc British Chinese

营业中

休息中

今日同朋友出上环食晏，之后再去中环行街，我哋都想食中菜，最后拣咗哩间英伦风中菜餐厅。餐厅环境好有惊喜，设计细致有格调，座位宽敞，开扬舒适，自然光令餐厅气氛更温暖柔和。我哋主要点餐厅推介，叫咗一个汤、两个头盘、一个主菜及两杯饮品。中式炖汤 $80汤料十足，目测有花胶、鸡脚同猪𦟌，味道浓郁有鲜味，饮落似系老火汤。香酥鸭跟薄饼 $200香酥鸭拆骨拆肉手撕咁上，好特别，鸭肉好香口，薄饼软身烟韧，配上大葱、青瓜及甜酱，一大啖咁食好满足。虾多士配甜辣酱 $160多士铺满芝麻，望落似煎堆，味道变得更香口外，口感亦更有层次，非常创新同有特色嘅制法。虾大大只，虾胶弹牙爽口，另外值得欣赏嘅系食落一啲都唔油腻，点上泰式辣酱，味道更惹味。宫保虾球 $280虾球超大粒！炸得非常酥脆，虾肉十分有鲜味，口感爽口富弹性，加入甜酸酱真系好食到停唔到口，大爱！Latte $45因为睇世界杯关系，搞到唔够瞓，所以叫咗杯咖啡提神。惊喜！无谂过中菜餐厅嘅咖啡有拉花之余，味道仲咁有质素。老板娘同职员都非常好客殷勤，用心哋介绍餐厅及推介菜式，可以话系100分的服务态度，令人有宾自如归嘅感觉。