影片
更多
2018-10-27
539 浏览
今日去尖沙咀同我朋友食晚餐，我朋友話我負責唸食咩，我記得之前我有個朋友話海港城附近有間樓上餐廳幾盞鬼，於是就打電話去問下個老友啦，佢就俾左條openrice lunk我啦，都幾多like wor, 好啦，一於去試下啦！大約9點左右我地就去到啦，舖頭嘅裝飾真係幾特別，無論牆身甚至係menu都有好多餐廳自創嘅公仔，感覺上都幾特別，同埋都幾有heart 。咁我地就坐低望下個menu 先。睇到佢地有d 2人餐同埋4人餐咁樣。咁有選擇困難症嘅我地就選擇左個$398嘅2人套餐b啦！好啦！咁就開始食啦！首先就係是日廚師餐湯啦！個湯就係薯仔忌廉湯，個湯好濃嘅薯仔味，好足料，而個湯口感都一流，唔會話太（杰），我真係有d怕出面飲d湯濃到好似飲醬汁咁樣，e個就剛剛好啦，唯一不足嘅就係細碗左少少，唔夠喉，哈哈！跟住就係頭盤啦！我地就選擇左泰式燒豬頸肉啦！e個豬頸肉就真係有驚喜，燒都好香，同埋幾乾身，時間控制得非常好，唔會話好柴，我就根本都無點個泰式辣醬都已經覺得唔錯唔錯。跟住就到個主菜出場啦，蟹肉bb露筍荷蘭薄餅，我本身就掛住留意蟹肉bb字眼而就無留意到荷蘭薄餅字眼，一上枱果下我就定左幾秒，心唸點解我咁大個人
大約9點左右我地就去到啦，舖頭嘅裝飾真係幾特別，無論牆身甚至係menu都有好多餐廳自創嘅公仔，感覺上都幾特別，同埋都幾有heart 。咁我地就坐低望下個menu 先。
睇到佢地有d 2人餐同埋4人餐咁樣。咁有選擇困難症嘅我地就選擇左個$398嘅2人套餐b啦！好啦！咁就開始食啦！
首先就係是日廚師餐湯啦！個湯就係薯仔忌廉湯，個湯好濃嘅薯仔味，好足料，而個湯口感都一流，唔會話太（杰），我真係有d怕出面飲d湯濃到好似飲醬汁咁樣，e個就剛剛好啦，唯一不足嘅就係細碗左少少，唔夠喉，哈哈！
跟住就係頭盤啦！我地就選擇左泰式燒豬頸肉啦！e個豬頸肉就真係有驚喜，燒都好香，同埋幾乾身，時間控制得非常好，唔會話好柴，我就根本都無點個泰式辣醬都已經覺得唔錯唔錯。
跟住就到個主菜出場啦，蟹肉bb露筍荷蘭薄餅，我本身就掛住留意蟹肉bb字眼而就無留意到荷蘭薄餅字眼，一上枱果下我就定左幾秒，心唸點解我咁大個人都未見過咁嘅食物呢！咁就試下啦！佢同我地食開嘅薄餅好大分別，就係個餅底唔係厚底，係超薄餅底，個荷蘭薄餅餅底好香好脆，而d料都好好味，茄汁底再加上蟹肉好夾，一個咁大嘅薄餅我地兩個人都食得晒，建議就食左入面d 餡料先，由內到外咁樣食起，有驚喜，正！
跟住到飯啦，我地就叫左個龍蝦汁燴飯，賣相好好，隻龍蝦好大隻，有膏，加埋d芝士個龍蝦肉非常香口，而個飯師傅就落埋d龍蝦汁一齊燴，入晒味，另外都唔會有一種 好肥膩嘅感覺，最後我地所有野都食晒。非常滿足。
最後就叫埋個餐飲，我地就叫左candies同埋陽光，其實都好想試下佢地果d手工啤酒呀！不過就揸左車，就兩個都唔好飲啦！不過杯野飲都唔錯，成晚都非常滿意，好滿足，老友就真係無介紹錯，最後埋單啦。人均都係二百零蚊，尖沙咀咁區算係好抵食啦！會再黎幫襯。
张贴
