影片
港铁尖沙咀/尖東站 R 出口, 步行约1分钟
继续阅读
营业时间
*最後落單時間: 22:15
星期一至日
12:00 - 17:00
18:00 - 23:00
以上资料只供参考，请与餐厅确认详情
食家推介
相关文章
昨天晚上和朋友約了一齊去尖沙咀食飯, 因為有朋友去過覺得食物質素不錯， 所以我們六人決定一齊再去試一次， 去到第一個感覺是環境還算可以， 他們是做有點fusion的菜式， 在尖沙咀來說是不覺不失， 上臺的菜式上到嚟時感覺樣貌不錯， 都非常吸引， 他們的菜式數量都算可以， 因為不知有什麼好吃所以讓朋友點了所有他們認為ok的菜式。 出菜時間不算太快， 但味道ok, 因為自從搬了入新界住後， 都好少出嚟九龍區， 因為現在好多元朗的餐廳都做得非常好， 無論fusion及西餐的菜式都不錯。 一段時間冇出嚟 ，我覺得這間餐廳都不錯 大家一致同意可以再回來下一次， 今天的人流不算太多， 但可能不夠侍應， 每次找人都很困難， 希望這一方面他們可以改進， 食物來說大家絕對可以去試一次， 但價錢來說就不是太便宜。
继续阅读
今日行過尖沙咀樂道見到這間餐廳叫“Candies Foodies" 咁得意嘅！而午餐價錢合理一於試下先。原住大廈入去見到一條樓梯直上就到了，餐廳雖然唔太大間，但佈置幾特別又好有特色，再望就見到一邊牆放著一排糖果架，原來可以睇又可以夾的。嘻嘻！午餐包括有餐湯、主菜同餐飲。澳洲草飼鮮肉眼牛扒 $98我點了澳洲草飼鮮肉眼牛扒配薯條，肉眼扒厚身夠大塊，肉質鮮嫰，牛味濃郁，醬汁燒汁牛扒本身都夠味可以唔加醬汁也可，而薯條香脆，配埋杯咖啡已經很飽，滿足。
继续阅读
今日朋友無啦啦下午黎話不如一齊食晚飯，所以臨時揀同book餐廳⋯餐廳的地理位置係尖沙咀，不過係個棟大廈有兩個唔同既入口，所以一開始都行錯左，但路過係其他店的時候，有個飲品店既店員哥哥聽到我們搵路，就開口教我們去番另一邊入口。係另一邊入口，再上條樓梯，終於係閣樓👈🏻中搵到✌🏻在選擇方面都算多，dinner set都有幾款，而我們選了套餐B👈🏻先來的是餐湯和飲品，飲品揀左梳打，味道不錯，而餐湯不過不失厚切薯條熱辣辣👈🏻個人覺得好重要，因為好影響口感！熱辣辣的薯條先可以食到薯條既脆&軟，而凍左既薯條真係淨低一個 淋 字而佢既薯條夠熱，出來見該脆、軟該軟，黑松露蛋黃醬也挺搭薯條龍蝦飯感覺幾良心🙈 真是有半邊龍蝦同鉗，而燴飯整得都夠入味👍🏻，飯唔會因爲忌廉汁而浸淋，伴著醬汁入口反而濃郁牛扒的擺碟放得幾靚，熟度符合要求，水準正常，肉質唔會”un”（可能最近食太多安格斯牛扒，今日感覺驚喜不大🤣餐廳設計和裝飾算是特別，但分配了在餐廳轉角位，所以需要服務時都係要自己走出去。😅整體而言，食物水準不錯，但餐廳的服務和衛生可以更好
继续阅读
等個pizza等左1個鐘頭3個字，訂位講明話食兩個鐘就要走。埋單明明漏單又唔比人取消，話落左單唔取消得。係都要人等埋個pizza打包。係唔係窮到咁啊依家？三文魚pizza點打包啊？趕住走仲要等佢打包打30分鐘，真心不知所謂！
继续阅读
11/3/2019 @尖沙咀 Candies Foodies今日同朋友食飯慶祝生日，朋友揀咗呢間餐廳， 初時都搵咗陣，之後經過見到原來入口係要上樓梯，餐廳在閣樓的。上到去餐廳裝修都好特別好有外國嘅感覺，個人覺得比較偏向美式。我哋六個人叫咗個四人餐加咗個pizza， 大家都好夠飽。頭盤係泰式燒豬頸肉還有炸薯條配黑松露蛋黃醬。薯條係粗身的而且好夠熱黑松露蛋黃醬比想像中更好食黑松露味很濃， 蛋黃醬一點都不膩， 整個醬汁會令你吃到不停口， 我們連最後一滴醬也用匙羹吃乾淨 燒豬頸肉十分香，配埋秘製的泰式醬汁，酸酸甜甜十分開胃。黑松露牛肝菌意式燴飯， 黑松露味很樂意式燴飯比想像中稀，飯不會太硬身， 除了牛肝菌外還有一點野菌。蒜片香辣白酒海蜆扁意粉， 賣相很美麗， 海蜆很大隻沒有沙，而且有濃濃的蒜香味，意粉和蒜片一齊食更加香口！主菜美國安格斯肉眼牛扒 和脆香芭堤雅燒春雞半隻安格斯肉眼牛扒我們要了七成熟，但切開像五成熟， 但食落味道很好腍，有鮮味， 又不會覺得太生， 而且沒有血水！燒春雞幫我們切了8份， 吃來不會很乾，芭堤雅醬汁很特別有一點辣，有一點甜，感覺新鮮。 最後我們還加了一個煙三文魚pizza皮薄而脆，好多火箭菜，煙三文魚好香。飲品都好有特色，整體都幾好食。
继续阅读