影片
更多
2021-12-05
705 浏览
本人称得上算系乌冬嘅狂热粉丝😋，由细到大最钟意食乌冬，好喜欢佢够哂烟韧，做法又多。早前有报导介绍过几间高质嘅乌冬专门店，呢间鲣乌冬就系其中一间。据闻老板特登去过四国学做乌冬，所有乌冬更加系每日自家新鲜制造，网上评论亦一致偏好，所以自己都带住非常期待嘅心去试。餐厅以木色装修为主，门口位置有加上布帘，外观设计的确有啲似日本嘅乌龙面店，但入到去就觉得环境有待改善。无论系自助装水区定系一眼望入去嘅厨房等，都有种较为残旧同埋唔太干净嘅感觉，员工收拾时都系成个胶盆放上枱，再轻轻一抹就算，令人感觉唔太卫生。当日系平日下午时份去到，有乌冬套餐提供，套餐可以叫一款面食加一款小食。乌冬嘅口感的确系有嚼劲，够长又够粗，亦有乌冬嘅麦香味道，但就有小小偏硬，需要啲牙力嚼烂。烹调嘅时间可能要煮多一至两分钟比较适中，烟韧度可以再改善。🔸挂汤乌冬 配 关东煮 ($𝟕𝟏)：呢度嘅挂汤乌冬原来即系釜扬乌冬，挂汤乌冬系佢哋铺头改嘅名。釜扬乌冬系赞岐乌冬里面一个较特别嘅类别，传统做法系热锅(釜)里面搯起乌冬，然后以煮乌冬嘅水用木盘浸泡住。食法就系将旁边嘅配料连埋酱油捞起一齐食，有少少似沾面嘅食法。呢度同样提供萝卜泥，葱花同埋
餐厅以木色装修为主，门口位置有加上布帘，外观设计的确有啲似日本嘅乌龙面店，但入到去就觉得环境有待改善。无论系自助装水区定系一眼望入去嘅厨房等，都有种较为残旧同埋唔太干净嘅感觉，员工收拾时都系成个胶盆放上枱，再轻轻一抹就算，令人感觉唔太卫生。
当日系平日下午时份去到，有乌冬套餐提供，套餐可以叫一款面食加一款小食。乌冬嘅口感的确系有嚼劲，够长又够粗，亦有乌冬嘅麦香味道，但就有小小偏硬，需要啲牙力嚼烂。烹调嘅时间可能要煮多一至两分钟比较适中，烟韧度可以再改善。
🔸挂汤乌冬 配 关东煮 ($𝟕𝟏)：
呢度嘅挂汤乌冬原来即系釜扬乌冬，挂汤乌冬系佢哋铺头改嘅名。釜扬乌冬系赞岐乌冬里面一个较特别嘅类别，传统做法系热锅(釜)里面搯起乌冬，然后以煮乌冬嘅水用木盘浸泡住。食法就系将旁边嘅配料连埋酱油捞起一齐食，有少少似沾面嘅食法。呢度同样提供萝卜泥，葱花同埋芥末可以放落酱汁，但酱汁味道偏淡，而且乌冬已浸泡一段时间，但仍然系偏硬嘅状态，有啲煮唔透嘅感觉。
🔻关东煮：
不过不失，用嘅系较为浓味嘅酱油汤，虽然碗里各样食物都入哂味，但食材上例如系蒟蒻同埋烧鱼卷等等嘅口感都相当一般，有种放咗一段时间再放入个汤里面嘅感觉。
挂汤乌冬
68 浏览
1 赞好
0 留言
🔸酱油乌冬 配 骨付鸡($𝟖𝟒)：
酱油乌冬用嘅系鲣鱼酱油，虽然乌冬面质都系偏硬，但系酱油味道浓郁，份量亦唔会多到浸过乌冬因而变得好咸，加埋海带芽，葱花同埋萝卜泥等，整体味道唔错又够清新。
酱油乌冬
96 浏览
0 赞好
0 留言
🔻骨付鸡：
基本上见到每枱都必点一份。骨付鸡系四国名物，即系带骨嘅烤鸡髀，传统嘅有分老鸡同小鸡，老鸡口感比较坚韧同埋有咬劲，小鸡就口感嫩滑之余肉汁亦丰富啲。呢度如果系依照四国正宗嘅做法，应该就系用小鸡做。鸡髀火候控制适中，烤得啱啱好，调味方面就用咗芝麻，蜜糖同七味粉，唔会过咸，鸡皮亦够哂香脆，肉质软嫩汁多。
骨付鸡
37 浏览
0 赞好
0 留言
🔸天妇罗广岛牡蛎($𝟕𝟎)＋天妇罗鸡件($𝟒𝟐)：
两款嘅粉浆均系薄薄一层，有少少盐味做调味，唔会有太油腻感。广岛蚝同埋鸡件都够哂嫩口多汁，火候发挥得相当唔错。
天妇罗广岛鸡件
47 浏览
0 赞好
0 留言
天妇罗广岛牡蛎
52 浏览
0 赞好
0 留言
个人觉得呢度嘅乌冬嘅味道几香有质素，亦睇得出有心思去谂好多唔同配搭，可能今次到访时适逢平日下午时份，人手较少，所以煮嘅时间比较赶急导致有面条偏硬嘅情况出现。不过据闻经常好多人要排好耐队，值唔值得就见仁见智，但个人觉得如果行过都可以一试。
张贴
