更多
2020-09-23
681 浏览
不嬲都话甜品系放第二个胃,所以食完午餐无几耐我哋又食甜品喇🤣。我从来无食过「满记甜品」,呢日终于开斋,皆因佢个麻糬我好想食,二嚟楼面个阿姨几热情招待。舖头环境半开放式,高枱同矮枱都有。如果坐满人会好逼,但而家下午茶时段直头系我哋包场咁济😜。原来佢嘅甜品唔算贵㖞,大部份都系$40楼下有交易👍。拣好食乜,再自己走去收银处落单畀钱,不过甜品就由店员送上😊。我哋叫咗两份甜品都唔驶$80,抵㖞,又可以歇下脚🦶。酒酿宫廷奶酪($35),奉送糖不甩两粒。呢个斋讲个摆盘已经好正啦😍。餐厅用个圆形托盘放啲甜品,感觉有啲和风。同时,奶酪同匙羹都系金色系,唔通配合番「宫廷」二词?酒酿奶酪味道超浓烈,又够冰冻,劲正😋。奶酪食落嘅口感同眼见嘅形象一样咁滑,质感唔会太水,能够留在口腔中一阵子。呢个甜品叫「奶酪」,而唔系叫「奶冻」,佢嘅命名十分正确✅,因为甜品带有一份乳酪雪糕Fro-yo嘅微酸滋味。再者,我亦估唔到奶酪嘅酒味咁出,绝不欺场!糖不甩🍡系送嘅,价值唔高,但就能够令客人觉得成个感觉圆满好多。$35一碗奶酪,价钱正常,但加配多两粒就变得抵!糖不甩口感烟韧,并无内馅,主要靠出面嘅黑糖浆同芝麻花生碎粒🥜带出味道
舖头环境半开放式,高枱同矮枱都有。如果坐满人会好逼,但而家下午茶时段直头系我哋包场咁济😜。
原来佢嘅 甜品唔算贵㖞,大部份都系$40楼下有交易👍。
拣好食乜,再自己走去收银处落单畀钱,不过 甜品就由店员送上😊。
我哋叫咗两份 甜品都唔驶$80,抵㖞,又可以歇下脚🦶。
$35
36 浏览
0 赞好
0 留言
$35
39 浏览
0 赞好
0 留言
18 浏览
0 赞好
0 留言
$40
221 浏览
0 赞好
0 留言
餐厅仲喺枱面张贴咗鲜奶麻糬嘅「建议食法」,图文并茂。其实步骤一同二喺到达我哋面前已经完成咗,哈哈😆。
鲜奶麻糬有得拣原味(即花生芝麻粉)或者Oreo味,价钱一样。我见前者同糖不甩啲碎系差唔多,加上我唔太钟意食,所以要咗后者。但应该前者会较为适合同搭调,还原度高啲😅。 捞嘅过程系几好玩嘅,如果系小朋友应该好开心。麻糬嘅口感比糯米糍软糯,无咁缠人加饱滞,但Q弹烟靭度就相对较低。🥛麻糬奶味唔算重,不过亦唔会过甜。试玩一流,但我下次未必会再嗌。
堂食加埋杯茶🍵都唔错,玄米茶几清香,可以湿下个口同清清味蕾。嗌埋杯茶,影相都靓啲。
总括嚟讲,我一向对满记 甜品嘅印象麻麻(可能听人讲得多),但亲身试过后又觉得几好㖞!价廉物美,简简单单想食个甜品,佢会系一个好选择😚。
张贴