Attic Handmade Pasta (已結業)

呢日喺尖沙咀做完运动同好友喺附近食饭，佢就拣咗呢间餐厅。 上到嚟发觉之前嚟过咁㖞，但餐厅名字无印象，应该易咗手了，即管试试个水准先！叫咗个Dinner set同Risotto 开心share~【Welcome tart】入面有蟹肉同洋葱，一口挞。【自家制面包】【日式酱油渍溏心蛋黄多士】酥饼上面有黑松露意大利软芝士同鱼子酱，酥脆可口。【是日餐汤】大蒜薯仔汤质地浓稠。【番茄白酒青口手打意粉】 朋友大赞，话好钟意个口感。【金蚝味噌意大利饭】我就钟意呢个饭，每啖饭都有好香浓嘅蚝鲜味，面头仲有焦糖包封住两只香煎金蚝，刚好一人有一只。【法国酿无骨春鸡】叫咗春鸡，因为有丰富蛋白质，啱晒做完运动嘅我哋。 鸡肉做得好嫩滑，去晒骨啖啖肉，配搭羊肚菌汁都几夹。【是日甜品】有两款选择，我哋拣咗tiramisu，有意外惊喜㖞，质地幼滑，而且咖啡味好重，好正！最后梗系要一杯热咖啡放松吓，再chit-chat啦！