鼎豐雞煲泰國菜 (已結業)

话说陪就快做老衬嘅朋友去金都买嘢，买完揾嘢食，好少喺呢度附近食嘢，行咗去后面砵兰街，见到呢间有鸡煲食，又好耐冇食过鸡煲，就拣佢啦！“招牌鸡煲”，叫咗小辣试试，鸡煲上枱炒一炒，𠮶阵香辣味充满空气之中，闻就得喇，食入口够哂惹味，但我发觉唔似小辣，朋友食到津津有味，我就满头大汗，哈哈！店员叫我地下次试吓泰式鸡煲，话又另一番风味！而家仲做紧食鸡煲送肥牛一碟，超抵！呢度最大特色系有泰国菜食，先叫碟“生虾”，都几新鲜肉质够爽！“泰式拼盘”有春卷、虾饼同鱼饼，配埋一大枝2L嘅Hoegaarden生啤，正呀！“马拉盏炒通菜”又系炒得香喷喷，食落去会越食越想食！“椰汁西米糕”唔太甜，饱餐之后刚刚好！呢度地点又唔错，食物又好，唔怪得老友即刻book定星期六带其他朋友再嚟食！