優閒堡 (已結業)

我公司o系休闲堡附近，之前收到佢o地o既单张觉得几有意义(帮助唐氏综合症人士就业)，就去试o下。入面个环境唔错，d梳化凳几好坐。个服务员(可能是导师)都几有礼貌，佢带住个学员点菜，另一个学员就负责拿水。忌廉汤o黎得几快，味道够浓同埋够creamy, 温度适中，份量多返d会更加好！白汁海鲜长通粉几香，d汁似忌廉味，落足料，唔错!听讲依度d甜品唔错，所以加$10要心太软，份量o岩o岩好，入面的朱古力唔会太甜 ，食完都唔觉得lau!总括o黎讲，食物质素ok, 个人觉得甜品最好味，坐得舒服又可以帮到人，是一间会回头的餐厅~