貓之茶房 (海防大廈)

营业中

休息中

一直都想揾间坐得舒服可以倾吓偈，又可以有宠物嘅Cafe！今日去尖沙咀买嘢，就同朋友去咗一间好正嘅《猫之茶房》！呢间位置劲方便，就系海防道！啱晒买完嘢想揾个地方坐下！一入门口店员都好细心提醒我哋要点样同啲猫猫玩，仲特别提醒有边啲猫猫系比较细胆，唔好太大声倾偈吓亲猫猫们！店内装修当然都系为咗猫猫为主，有齐晒猫猫嘅屋、同猫猫玩嘅扫等等！可以去摸下佢地，但就因为担心猫猫会因陌生而有机会爪到人，所以店员都有再三提醒尽量都唔好抱佢哋啦！啲猫猫好似好开心，因为有属于佢哋自己嘅空间！亦都得知原来有部分猫猫系浪浪，佢地就帮手收养嘅，同时店内都有呼吁大家如可以都可领养猫猫㗎，实在太有爱心太好了，令浪浪都可以有个温暖嘅家🥰🥰！我地除咗去见下啲猫猫之外，当然Café我地都有order咗知蛋糕同饮品做下午茶啦！我就order咗杯Mocha同蓝莓芝士蛋糕！估唔到都几好味㖞，同店员一样咁有心思㗎！大家如果有经过，又喜欢猫猫嘅话，呢间都系几好嘅选择嚟㗎！🐈‍⬛猫之茶房🐈(尖沙咀)📍地址：尖沙咀海防道53号海防大厦3楼3室#猫之茶房 #猫之家 #浪浪 #收养 #领养 #不弃养 #猫猫温暖之家 #猫Café #catca