影片
更多
2022-06-25
2899 浏览
金钟简直系美食沙漠， 价钱又贵，选择又少， 所以我间中都会嚟帮衬呢间社企餐厅。 而家嘅餐厅会有好多唔同嘅噱头或宣传， 但系有良心，有社会企业责任既餐厅真系好少，疫情下有好多社企餐厅都已经倒闭，经营唔到落去， 所以更加要多多支持仍然存在嘅社企餐厅。Ibakery 位于添马公园政府总部楼下， 环境好优美，有一大片草地，有 室内室外嘅座位供选择， 坐嘅位置好舒适好阔落， 仲可以预先订座。我今个月帮衬咗两次，餐牌好快唔同左。第一次叫咗A餐蒜香大蘑菇烧烤酱排骨伴时蔬及方旦马铃薯， B餐蛋黄白汁西兰花芝士焗长通粉， 以及D餐日式蒲烧鳗鱼伴时蔬配滑蛋饭。每一个午市套餐都配有餐汤， 南瓜薯蓉汤真系配有南瓜粒，汤身比较浓稠，唔会稀溜溜。A餐蒜香大蘑菇烧烤酱排骨伴时蔬及方旦马铃薯，一上碟已经觉得摆碟好靓，卖相好吸引， 卖相绝对唔输贵价高级西餐厅。 烧烤酱排骨好入味， 肉身都算嫰， 大蘑菇都算juicy，既好睇又好食。B餐蛋黄白汁西兰花芝士焗长通粉， 有一只温泉蛋舖系面，吉穿果下好治愈，令成个长通粉更creamy。D餐日式蒲烧鳗鱼伴时蔬配滑蛋饭，卖相都好吸引，蒲烧鳗鱼好大条，有小小骨但唔算多， 虽然呢度嘅蒲
Ibakery 位于添马公园政府总部楼下， 环境好优美，有一大片草地，有 室内室外嘅座位供选择， 坐嘅位置好舒适好阔落， 仲可以预先订座。
我今个月帮衬咗两次，餐牌好快唔同左。
第一次叫咗A餐蒜香大蘑菇烧烤酱排骨伴时蔬及方旦马铃薯， B餐蛋黄白汁西兰花芝士焗长通粉， 以及D餐日式蒲烧鳗鱼伴时蔬配滑蛋饭。
每一个午市套餐都配有餐汤， 南瓜薯蓉汤真系配有南瓜粒，汤身比较浓稠，唔会稀溜溜。
A餐蒜香大蘑菇烧烤酱排骨伴时蔬及方旦马铃薯，一上碟已经觉得摆碟好靓，卖相好吸引， 卖相绝对唔输贵价高级西餐厅。 烧烤酱排骨好入味， 肉身都算嫰， 大蘑菇都算juicy，既好睇又好食。
B餐蛋黄白汁西兰花芝士焗长通粉， 有一只温泉蛋舖系面，吉穿果下好治愈，令成个长通粉更creamy。
D餐日式蒲烧鳗鱼伴时蔬配滑蛋饭，卖相都好吸引，蒲烧鳗鱼好大条，有小小骨但唔算多， 虽然呢度嘅蒲烧鳗鱼唔系好肥美果种，但味道都唔错。 滑蛋饭就有少少失望，太过稀溜溜唔够滑同甜。成个饭食完好饱饱。
第二次叫咗A餐香煎兔翁牛柳配时蔬及烟肉薯蓉， 以及D餐木鱼面豉酱焗鲭鱼柳配鲜香菇扒豆腐。 今次系配蘑菇汤， 我自己就钟意南瓜汤多过蘑菇汤。
A餐香煎兔翁牛柳配时蔬及烟肉薯蓉， 同样又系摆盘好靓，卖相好吸引。我无试到呢个，但朋友比左7.5分，话整体都唔错。
D餐木鱼面豉酱焗鲭鱼柳配鲜香菇扒豆腐，个餐有好多唔同食材配搭，食落觉得层次几丰富， 调味恰到好处，鲭鱼柳食到鱼既鲜味，而唔系雪味， 鲜香菇扒豆腐都好味， 虽然份量睇落好少， 但食完都够饱， 美中不足系条鱼有骨既，以为鲭鱼柳净系肉添
PS 由于呢间餐厅聘请左大量残疾人士，有好多店员可能智力较低，所以落单时太复杂会听唔明，或者理解得较慢，请大家落单时可以尽量简单， 同埋比多啲耐性及包容，佢地自力更生好唔容易，亦都好值得尊敬
PS2 如果唔想食饭，ibakery 都仲有好多曲奇或蛋糕卖，下次节日或者送礼时可以多个选择
张贴
