波士冰室

营业中

休息中

年近圣诞，同老公去铜锣湾祟光行吓，睇吓有冇心水嘅圣诞礼物。之后行咗去利园山道，见到有间怀旧嘅波士冰室 ，见到餐牌都啱口味，价钱公道又冇加一，老公话不防入座试吓！深海鱼柳漩涡蛋包饭：鱼柳系即炸，热辣辣好大条，外层金黄酥脆，鱼肉雪白鲜嫩，用蛋做成漩涡包住白饭，蛋十分滑溜，加上特制咖喱酱汁，真系色香味俱全！冻柠乐加$6蚊，有埋冰底好抵饮。常餐波士瑞士鸡翼捞公仔面配炒滑蛋和丹麦多士：炒蛋嫩滑，丹麦多士酥脆，好香牛油味，鸡翼嫩滑入味，公仔面捞左酱汁弹牙惹味。加12有怀旧红豆，红豆林甜起沙，奶味香浓！星洲炒米：用料足，味够香，我最钟意系用咗银丝米粉炒，特别爽口！