娜吧

营业中

休息中

今日行过北角AIA大厦，见到一间酒吧好特别，因为佢系有日本拉面食，于是就入去试一试。酒吧内有一架好大既飞机系半空令人好怀念搭飞机。餐牌上有几款拉面选择，而且逢星期三午市仲有3人同行一人免费认真抵食，我地就叫了自家制黑豚叉烧拉面同三文鱼沾面，2大块叉烧起码等于其他拉面店4块叉烧，而且叉烧店舖自家制所以又淋又入味，面底又弹牙加上唔会煮到淋晒真系食到雪雪声，拉面最重要就系汤底，汤底清甜又有浓郁猪骨味，另一款沾面好特别，因为上枱时会有烟雾既效果，增加对这个沾面既好奇心，面是用上类似台湾kiki面质加上店舖自加制既酱汁食落不会干身又有猪肉味，而且仲有另一种食法就系点芥末豉油，这种食法好合适钟意食辣既朋友，最后加上一杯清啤，估唔到食拉面加啤酒既组合咁特别。