辛安東元祖奶奶雞 (已結業)

天气热辣辣，黎到白布街见辛安东元祖奶奶鸡唔使等位，就锁定晚餐食佢～两个人叫左三样野食，两杯野饮-🐔辛安东元祖奶奶鸡（少辣）可点全只/半只、辣/唔辣，两个人叫半只都足够。应该系一份份Pat 好，点左就入锅煮热的。首先汁酱系带甜味既，当晚点左少辣，但完全唔觉辣。除咗鸡外亦有好多伴菜：薯仔、红萝卜、瓜，每样都够稔够入味，最惊喜系有薯粉既面条弹牙挂汁，反而鸡件肉质稍一般，无咩鸡味但未至于太稔松散，总括系好食的，酱汁开胃会使人一口接一口。-🐷猪手生菜包一份有齐多款配料连生菜，唔够既话可再追加。加入菇丝、洋葱等炒成，味道好野味，睇落份量唔算大份，但配完所有生菜食都有余-鳗鱼玉子烧🥚玉子烧分松软/札实两种感觉，呢度既偏松软质地，但可惜蛋液出水，加上鳗鱼肉唔算多，反而利用淋上鳗鱼汁加上原来煮玉子烧已有落糖，味道稍偏太甜较失望。其他：店铺分上下层，下层4、5张枱+厨房，上层位置十多张枱尚算宽敞。店铺早前装修过，环境卫生都满意。要留意门口系手动趟门形式，当晚坐地面个层，经常有客/员工于门口旁食烟，门无关上，如怕热/介意烟味既就选择坐上层较好。同埋留意上菜情况，玉子烧系食晒另外两样野食都未上，通知店员后再等