影片
更多
2020-06-25
1981 浏览
吗哪餐厅系一间有基督教背景嘅社企，会聘请社会上面嘅弱势社群，仲会派饭畀露宿者同长者，平日学生同老友记去光顾，两𩠌饭最平廿蚊就有交易，绝对系惠及社群。之前逢星期一系休息日，而家都开放埋做学徒培训，当日所有收益会用喺社区服务方面，可谓一间又黄又有良心嘅小店。帮衬当晚大约七点半去到，由于餐厅系开放式，场内非常多人，堂食固然高朋满座，叫外卖嘅人亦都企满走廊一旁，店员个个异常忙碌，左腾右腾，明显招架不住，果然，我叫咗嘅双层芝士手打牛肉汉堡配沙律及薯条，最后要等超过三十五分钟先有得食😂。揭开面头块面包一睇，汉堡包入面有芝士一块，洋葱一圈，生菜一小片，芥末同茄汁少许，最后就系两块厚厚嘅牛肉汉堡。汉堡扒嘅肉质颇为弹牙，口感唔错，不过胡椒味实在太重，稍为盖过咗牛味，有啲可惜😐；伴碟嘅薯条唔太热，炸得亦唔太脆，估计厨房实在太忙，因而有所忽略；最后就系杯蜂蜜生姜茶，姜同蜜糖嘅味道都几浓郁，唔错。呢度八点半打烊，食到八点四，忽然见到所有职员一齐唱歌同祈祷，虽然感觉有少少怪异（ 因为场内食客有食客食嘢倾偈，职员有职员弹结他唱歌），但系我都绝对欣赏佢哋虔诚嘅心。总括嚟讲，如果餐厅可以谂办法控制顾客嘅数量，运作应该
帮衬当晚大约七点半去到，由于餐厅系开放式，场内非常多人，堂食固然高朋满座，叫外卖嘅人亦都企满走廊一旁，店员个个异常忙碌，左腾右腾，明显招架不住，果然，我叫咗嘅双层芝士手打牛肉汉堡配沙律及薯条，最后要等超过三十五分钟先有得食😂。
揭开面头块面包一睇，汉堡包入面有芝士一块，洋葱一圈，生菜一小片，芥末同茄汁少许，最后就系两块厚厚嘅牛肉汉堡。汉堡扒嘅肉质颇为弹牙，口感唔错，不过胡椒味实在太重，稍为盖过咗牛味，有啲可惜😐；伴碟嘅薯条唔太热，炸得亦唔太脆，估计厨房实在太忙，因而有所忽略；最后就系杯蜂蜜生姜茶，姜同蜜糖嘅味道都几浓郁，唔错。
呢度八点半打烊，食到八点四，忽然见到所有职员一齐唱歌同祈祷，虽然感觉有少少怪异（ 因为场内食客有食客食嘢倾偈，职员有职员弹结他唱歌），但系我都绝对欣赏佢哋虔诚嘅心。
总括嚟讲，如果餐厅可以谂办法控制顾客嘅数量，运作应该会好好多。加油呀💪。
张贴
