土司工坊 (已結業)

土司工坊嘅面包就一定唔买，因为超无料兼唔抵；食饭相对嚟讲好少少，不过其实都系唔太抵，同类型餐厅嚟讲，尖咀阿坤好好多。不过佢就够方便咯…但有一样嘢好奇怪，几乎去到边间，啲枱都系唔平嘅，永远摇摇摆摆，永远杯嘢饮都系会摇到泻嘅。。。why?椰浆饭唔够椰味，鸡槌够入味，但成碟饭得一只鸡槌就好贯彻孤寒嘅传统咯~咖映西多如果中间可以落少少酱就会无咁干，好彩咖映够多，但甜得几紧要~最好食系呢个香蕉蛋糕，有少少实在感，唔似班兰咁飘~咖啡系ok嘅，好有南洋味道。美禄系好饮嘅，唔错。半熟蛋煮得啱啱好~