Passion (已搬遷) 新店位置

先生知我钟意食甜品，所以系湾仔买左两件蛋糕俾我。平时食开朱古力，今次试新野，食左个红莓挞和红莓白朱古力摩士蛋糕。外型和味道可媲美TONY WONG，不过价钱都一样贵，要$50件。虽然第二日先食，但红莓挞个底仍然好香脆，红莓略酸，不过夹埋中间既馅和批底，味道就平衡返，而且口感清新而不腻。至于红莓白朱古力摩士蛋糕就较逊色，个底朱古力脆脆可能放左一日，所以淋哂唔脆，而且有d韧,红莓摩士稍酸，白朱古力太少所以不能平衡酸味。最唔满意既系蛋糕要$50件，但竟然无冰包😡😡，由湾仔拎到东涌已经唔冻变左室温，令我无得即刻食😖，但第二日食口感已经差好远。建议一定要堂食和即日食，否则绝对糟蹋了件蛋糕。