炎天丼 (已結業)

出边热辣辣今日就懒洋洋唔想出街，开个手机睇吓有咩外卖速递，见呢间餐厅好好comment ,日本心发作底吓就叫黎试吓！落咗order冇几耐就已经见到店家准备食物当中，唔使20分钟热辣辣嘅丼饭已经送到去屋企。天妇罗全部用纸袋另外包住，相信系索油之余，又唔怕放喺饭面焗到淋晒。另外仲有一碗面鼓汤，味道OK，唔会死咸。比较欣赏佢外卖盒嘅设计，碗盖设计防止汤汁溢出，方便又安全。打开丼饭碗，一只天妇罗温泉蛋美美的躺在饭面，轻轻𠝹开，蛋汁溢出，丼饭即时充满蛋香，蛋白仍是嫩嫩滑滑，处理得恰到好处。天妇罗方面，每款都好好味，天妇罗浆非常脆薄，内里包着嘅食材仍然保持鲜嫩多汁，香脆之余仍然食都食材嘅鲜味，特别一款要讲技巧嘅海胆天妇罗，打开脆皮，食到紫菜入边包住creamy嘅海胆，每款都令人期待，食得出师傅嘅心思同技术！喺香港，仲要系经过数十分钟嘅外卖时间，仍然保持到呢个水准，实在非常难得。美中不足系丼饭虽然份量十足，但系质量一般，而且太过淋，黎到嘅时候呢有啲已经凝结左一嚿嚿，唔够粒粒分明，呢个真系败笔。