麵佬到 (已結業)

我自己上openrice到睇附近有咩好食，点知俾我发现咗依间新开张嘅马来西亚餐厅，但十分难揾个入口，揾咗好耐先揾到喺后巷入。入到去得2个人，听到佢话仲系试业紧，所以唔多客但都比我嗌咗最后一碗喇沙。佢哋餐厅好细心，特登整咗佢哋餐厅专用嘅酒精消毒液派俾客人，仲要系有得挂上袋嘅款。同埋担心客人食喇沙会整污糟，所以会有张餐巾连埋夹仔俾客人。成碗喇沙好足料，亦饮得出个汤底煲咗好耐好浓味。面头啲干蒜劲足同埋好香，至于啲辣酱佢就话想食辣先点 (虽然已经喺只蛋上面其实我都唔知可以点样点啲唔点啲)。啲鱼蛋劲弹牙同埋好大粒。啲虾都好新鲜。成碗嘅口感都好丰富好满足，不过食完好口渴，好彩佢个餐有得配嘢饮。个嘢饮好似系柠檬橙，都好新鲜。