深味餃子 (已搬遷) 新店位置

经过荃湾又唔系太肚饿可以试吓呢间饺子店，佢开系好彩酒家隔离，喺享和街，位置唔算太方便，所以价钱都比较平民化。今日同朋友经过，就决定试一试佢，呢间店都唔系开咗太耐，仲记得先前呢个位系做火锅生意。我最欣赏佢嘅煎饺！呢度有款煎饺好特别就系黑松露猪肉芝士，价钱都比较昂贵，$62/6pcs，但系我觉得一定要试一试，因为啲芝士煎完好香，有流心效果，再加上里面个馅怖满黑松露，非常香喷喷。煎饺外表金黄色，带有雪花脆边。除此之外我叫咗呢度嘅小食包括系蜜饯鸡翼以及惹味鹅肾片，鸡翼一共有五只，外皮被蜜饯嚷得甜甜的，带有酒香，鸡翼煮得刚刚好，够晒大只。另外鹅肾也有其特色，不过不失。