立体派拉麵 (棉登徑) (已結業)

男友系拉面控，又系试拉面既时候，本身系想黎试佢个双子拉面，但因是期间限定，已经无左，所以喜爱白汤既男友选择左*特级白汤拉面*佢个碗真心好大个，有3大片叉烧，仲有一只溏心蛋，呢个白汤系浓鸡骨味，但饮落清清地咁，拉面方面就无软硬度既选择，属于粗曲既拉面。汤底味道其实ok，但因之前试过另一间白汤，仍然觉得未能超过😬而我见佢「冠军」咁犀利，当然会一会佢🤪汤底红红地，比较惹味，有d香菜配搭解油腻，叉烧带有少少咸香，淋香易入口。而个腐皮袋，里面系一d碎碎既粉丝同韭菜，其实口感几过瘾，腐皮又索满汤汁，但实在系大旧，食唔晒。中间既一团肉酱，拌匀后，成个感觉即时变左中式炸酱面既味道。以味道方面，个人就麻麻钟意，因为都算几浓味下，纯粹个人感觉。日式饺子比较少d加入韭菜，但我钟意❤️内馅丰富，松软。而黑豚腩肉烧得几香口，有弹牙既腩肉脂肪，加上面豉带味，不错哦！其实另外仲叫左个*名古屋风鸡翼*，无影到相，因为味道真系差d，本身见佢好似烧得几香咁，一咬落去真系好甜好甜，完全食唔落去甜到，呢个就有点失望了。