影片
更多
2024-12-04
219 浏览
食物质素：相当惊喜有新意歌赋街本身就多出名高质素嘅日式拉面铺，包括蚬汤拉面Ode、鸡白汤拉面座银、米芝莲推介沾面周月、长滨Nagahama No.1拉面等等，估唔到食咗咁多年全港咁多间拉面铺，歌赋街都仲可以开出一间咁有新意嘅拉面铺，主打昆布冷水沾面、配滚热辣嘅酱油味/盐味汤、口感精彩丰富、冷热交融，台面上推介嘅“2亿年盐”味道不错lol。呢间餐厅无论昆布水沾面定系汤面、无论酱油定盐味汤底都几好味，拉面爽口弹牙有质地，配菜嘅肉烟熏味香浓、几有趣。如果点昆布水沾面，终会有冷热交融嘅体验、拉面嘅爽口清爽程度会指数级飙升。环境：座位空间大，坐得都舒服，干净企理、有大包装纸巾提供、卫生同服务都不错服务：服务员好热心，即使忙都会用心观察你嘅需求，喺我睇紧台面instructions嘅时候、会主动行过嚟同你讲解推介食法、感受得到佢嘅关注同观察。呢一d野喺中环lunch time高峰期期间系超出我预期嘅。观察：餐厅有一个日本人资深拉面大厨(有时唔喺度)同埋一个跟佢学师嘅后生日本人靓仔。我本身听得明少少日文，佢地做野期间一直喺度用日文倾紧点样将个拉面整到更加完美爽口好食，对住顾客又特别礼貌、服务好好，感
歌赋街本身就多出名高质素嘅日式拉面铺，包括蚬汤拉面Ode、鸡白汤拉面座银、米芝莲推介沾面周月、长滨Nagahama No.1拉面等等，估唔到食咗咁多年全港咁多间拉面铺，歌赋街都仲可以开出一间咁有新意嘅拉面铺，主打昆布冷水沾面、配滚热辣嘅酱油味/盐味汤、口感精彩丰富、冷热交融，台面上推介嘅“2亿年盐”味道不错lol。
呢间餐厅无论昆布水沾面定系汤面、无论酱油定盐味汤底都几好味，拉面爽口弹牙有质地，配菜嘅肉烟熏味香浓、几有趣。如果点昆布水沾面，终会有冷热交融嘅体验、拉面嘅爽口清爽程度会指数级飙升。
盐味汤昆布水沾面加盛合
$178
12 浏览
1 赞好
0 留言
酱油汤拉面加盛合
$168
92 浏览
0 赞好
0 留言
环境：座位空间大，坐得都舒服，干净企理、有大包装纸巾提供、卫生同服务都不错
服务：服务员好热心，即使忙都会用心观察你嘅需求，喺我睇紧台面instructions嘅时候、会主动行过嚟同你讲解推介食法、感受得到佢嘅关注同观察。呢一d野喺中环lunch time高峰期期间系超出我预期嘅。
观察：餐厅有一个日本人资深拉面大厨(有时唔喺度)同埋一个跟佢学师嘅后生日本人靓仔。我本身听得明少少日文，佢地做野期间一直喺度用日文倾紧点样将个拉面整到更加完美爽口好食，对住顾客又特别礼貌、服务好好，感受得到佢地嘅专注力同职人精神，呢一点我都好欣赏。
性价比：128蚊汤面、138蚊昆布水沾面，加盛合40蚊（包括2*2烟熏肉、几块笋、成只溏心蛋），同其他中环高质素拉面铺嚟比算系中规中矩嘅价钱，有佢嘅竞争力，given歌赋街附近其它餐厅食肆更加贵、性价比更低、份量更小，佢已经都算相对更抵食。
张贴
