越．男

营业中

休息中

一踏入门口有种去咗旅行嘅感觉，餐厅装潢很有越南风格，墙上有具越南特色嘅涂鸦，好靓好适合打卡，好几年冇去越南玩喇，真系咩感觉都返晒嚟。餐厅环境唔大，枱与枱之间距离有啲迫狭。用餐时间系星期六下午，人唔算多。落单经QR码，落咗单会一次过网上比埋钱，都几方便。一个套餐有主菜、小食，饮品。价钱还好唔算贵。会安生牛肉汤河⁸⁵汤河充满九层塔香味，汤底清香扑鼻，鲜味浓郁。青柠同辣椒系自助形式，随自己喜好加多加少都得。生牛肉质嫩滑，有牛味有咬口。香蒜牛油鸡翼鸡翼表面炸得金黄香脆。不过鸡翼味道偏淡，食唔出香蒜亦没有牛油味。油份偏多食完两只鸡翼，两大摊油仲系个碟上面。越式炼奶咖啡味道淡，感觉似三合一冲出来仲要加咗好多水沟稀晒果种。