一鳴拉麵

营业中

休息中

疫症当前，一入到黎餐厅，店舖员工已经好细心为我们递上咗现时珍贵的酒精湿纸巾。值得一赞。呢度嘅点菜方式系用点餐纸，非常方便快捷清晰。 店舖入边有五款拉面可以选择。我就选择咗呢度出名嘅一鸣拉面，而我老公呢就选择咗黑蒜拉面(黑蒜。鸣)最令人惊喜嘅系呢度嘅价钱平均每碗都只系70几蚊，比好多香港其他嘅拉面店都平好多。 系点餐纸入边，顾客可以选择面嘅种类、面质、香葱嘅多少同埋配料配料(可以拣猪软骨或者叉烧)最欣赏呢度可以拣多葱唔使加钱。Yeah!!啱晒我呢啲多葱怪•我比较钟意呢度嘅曲面，比较烟银。而且每碗拉面都有木耳紫菜同埋半只糖心蛋。所以已经好多料，如果你要追加其他配菜都唔系好贵，加十元有一款！ 两碗拉面之中，我比较钟意黑蒜拉面，因为汤底比较浓郁，黑蒜味又好突出，好香浓另外我哋我叫咗两款小食，我哋叫咗呢度出名嘅芝士粟米玉子烧，蛋味香浓，芝士可以拉到丝。香香甜甜好正同埋叫咗炒杂菜$48，辣辣地老公话炒得几好味，如果份量再多少少就prefect池！ 呢一间日本拉面店整体感觉干净企理，店员有礼貌，食品质素唔错，价钱便宜，值得一试。