博多拉麵別天神 (已結業)

尖沙咀有大把食日本野既舖头，要拣有时都会眼花撩乱，别天神既外观就似足日本街头见到既拉面店，好容易就吸引到行人既目光🎏除左舖头装修似足日本，入面点餐都有日本既影子，就系要自己系机自动贩卖机买飞，再比张飞拉面师傅整，咁耐冇得去日本都叫做过下手瘾🤣今日舖头唔算多人，都可以拣位坐，坐底就自己自助拎定餐具同针水饮，过左阵拉面就到啦😋呢度拉面款式唔多，我叫左个虾味噌豚骨汤面另加玉子，个汤底好浓好重豚骨味，系出面较少食到既味。面质口感十足，份量正常。个义烧都几入味，粟米即使系配料，但都有一大堆。同埋如果嫌唔够重口味，仲可以自己加蒜，所以话成个体验都好似日本食咁👍