壹麵館 (已結業)

某日朝早，咁啱要过嚟呢头做嘢，开工前谂住揾间嘢坐低慢慢食个早餐打个底先。嗌咗个蕃茄鲜牛肉通心粉早餐，加杯冻柠檬茶。蕃茄汤足料，有蕃茄、薯仔、萝卜、菜，而且牛肉都唔少。加埋冻饮$35, 至少足料，算物有所值。我屋企楼下间茶餐厅卖嘅通心粉早餐得清汤加块火腿，价钱都系差唔多。而且啲呀姐都几亲切，我问一个姐姐某个地方点去，佢都有热心答我，仲同我倾咗两句计。以后可能会多咗机会去呢一边做嘢，到时有机会再嚟食下嘢先。一日之计在于晨，食饱早餐之后又要开始搏杀了。