摩芽雞蛋仔

营业中

休息中

返归既时候经过呢间铺见到有鸡蛋仔，突然有冲动想食，又见无人等紧㖞！就任性地行左过去望下有咩味拣！拣左阵都系拣返上次食过既橙朱古力鸡蛋仔，跟住店家就推介我试下加星星，好似话脆啲㖞？咁咪试下新野啰，要加钱架！平日下午茶时间无咩人，等左几分钟就有得食! 外貌方面就几趣致既，每格鸡蛋仔都有粒蜜糖星星，我觉得小朋友应该见到会几开心.....鸡蛋仔紧系衬热食啦，影完相就即食喇！咬落去，嗯，系几香几脆既，成底鸡蛋仔都脆既，甜味适中，有朱古力味，因为佢系每格都有朱古力钉架！但就无咩橙味呀咁好似？个人认为粒蜜糖星星抢晒镜，成个鸡蛋仔系脆，但无晒内软既质感！我都系比较喜欢无加星星果弹既外脆内软既口感同埋质感，所以我下次会坚拒加星星架喇！