蠔灘 (已結業)

呢间餐厅离远都见到佢嘅巨大招牌，但就见唔到餐厅嘅面貌，好神秘，皆因要经过招牌隔离条楼梯才到达，私人度极高。南非蚝 $120/盘 (12只)当晚主角当然系「蚝」啦，每晚嘅品种都唔一样，今晚刚好是南非蚝，是我喜爱蚝嘅产地。果然，味带甜甜地，没有铁锈味，啱我心水。意式焗肉丸 $98一上枱以为系焗饭，因为份量大唔似系前菜size，而且有浓浓嘅酱汁同芝士焗面，配菜亦不少如蘑菇、红椒、洋葱等，相当有诚意。不得不赞呢道菜是相当热辣辣，加分。蒜蓉包 $38 虽然是简单的前菜，但摆碟都不马虎，份量亦不少，配肉丸一齐食简直perfect match! 黑松露野菌意大利饭 $108食第一啖，感到绝对足料，落黑松露相当重手，相当浓郁，而且忌廉味亦重，啱晒一众喜好浓味人士，饭粒带点点硬身，很好不会变做烩饭。最后亦要赞赞餐厅服务很好，由招待、落单，非常有礼，亦耐心解答问题，亦会主动refill热水。